Sky Sports Oo Kasoo Warantay Xaaladii Ugu Dambeysay Wararka Philippe Coutinho La Xiriirinaya Barcelona & Liverpool Oo Dalab Kale diiday.

LIVERPOOL AYAA SI DHAKSO LEH U DIIDAY DALABKII LABAAD OO AY BARCELONA KASOO GUDBISO XIDIGA REER BRAZIL PHILIPPE COUNTINHO SIDA AY OGAATAY 

SKY SPORT.

DALABKA LABAAD WAXA LA FAHANSAN YAHAY INUU GARAYO 85 MALYAN EURO OO U DHIGANTA 76.8 MALYAN OO POUND BALSE AY RAACSANTAHAY 15 MALYAN OO GUNO AH OO U DHIGANTA 13.6 OO POUND.

LIVERPOOL WAXAY KU ADKEEYSANAYSA GO'AANKEEDA AH IN PHILIPPE COUNTINHO UU SAN IIB AHAYN MARKANA ISKU DAYEYSA INAY SOO XIRXIRATO.

Balaugrana waxey bishii lasoo dhaafay dalab hordhac ah oo gaaraya 72 Malyan oo Pound kasoo gudbisay Philippe Coutinho iyadoo qorshaheedu yahay inuu khadka dhexe ee Barcelona ka badalo Andreas Iniesta oo sii hawlgabaya.

Philippe Coutinho wuxuu noqday haldoorka ugu horeeya Liverpool tan iyo markii uu yimid kooxda ka dhisan Anfield, 13-gool ayuu dhaliyay sidoo kalana 7-caawinaad ayuu sameeyay xilli ciyaareedkii lasoo dhaafay kulamada Premier League.

Jurgen Klopp ayaa kooxdiisa ku sheegay mid qaab wacan leh inkastoo uu ka aamusay arimaha la xiriira mustaqbalka Coutinho.

Si kastaba mustaqbalka xidigaan heerka caalami wali go’aan rasmi ah lagama gaarin tiiyoo ay jirto in isaga qudhiisa lagu tuhunsan yahay inuu rabitaan u qabo ku biiritaanka kooxda ka dhisan Camp Nou.