Hordhac: Real Madrid vs Man United – Maxaa Kala Qabsan Doona Mourinho & Zidane Marka Ay Caawa Iska Hor Yimaadaan?

Laba ka mid ah kooxaha ugu waaweyn dunida ayaa caawa isku wajahi doona gobolka California ee dhaca dalka mareykanka, inkastoo ay tahay ciyaar ka tirsan koobka International Championship Cup hadana waxaa la filayaa iney xamaasadda ciyaarta noqoto mid aan caadi aheyn.

Labadaan kooxood waxey kulan rasmi ah ciyaari doonaan bilowga bisha August markaas oo ay isku wajahi doonaan kulan ka tirsan koobka UEFA Super Cup madama ay kusoo kala guuleysteen labada koob ee ugu waaweyn heerka 

Los Blancos waa kulankii ugu horeeyay oo ay ciyaarto halka United uu u noqon doono kulankii afaraad madama ay guulo kasoo heshay LA Galaxy, Real Salt Lake & Manchester City.

WARBIXINTA KULANKA:

Kulanka: Real Madrid vs Man United

Tartanka: International Championship Cup

Garoonka: Levi’s Stadium, Santa Clara, California

Saacadda: 12:00 Saqda Dhexe (Xilliga Geeska Afrika)

MAXAA KA CUSUB LABADA KOOXOOD?

Real Madrid:

Ciyaartoyda Real Madrid goor hore ayey soo gaareen mareykanka waxeyna sameynayeen tababar ay isugu diyaarinayaan kulankaan walow aysan heli karin xidigo muhiim ah waxaana ka mid ah Cristiano Ronaldo oo fasax dheeraad ah la siiyay madama uu ciyaaray Confederation Cup.