Cristiano Ronaldo Oo Goolkiisii El-Clasico Ugu Dabaal Dagay Sidii Uu Lionel Messi Sameeyay Markii Uu Waqtigii Dhimashada Quusiyay Los Blancos.

Cristiano Ronaldo ayaa dhibaato dhexda ka galay inkastoo soo laabashadiisa ay wax weyn u aheyd Madrid hadana wuxuu isku horseeday inuu casaan qaato sidoo kalana uu noqdo ganaax kale suge madama uu riixay garsooraha.

Balse kabtanka Portugal wuxuu sameeyay dabaal dagii uu Lionel Messi kusoo bandhigay Santiago Bernabeu bishii April ee sanadkaan markaas oo uu goolka guusha ka dhaliyay Los Blancos waqtigii dhimashada kulan 3-2 ku dhamaaday.

Lionel Messi ayaa siibay maaliyadiisa isagoo dhabarka dambe ee maaliyadda u jeediyay jamaahiirta si ay ugu yaraan u aqristaan, balse Ronaldo ayaa sidoo kale sameeyay inkastoo xidiga Real Madrid uu qaab dhismeedka jirkiisa kusoo bandhigay shaashadda.

Dabaal dagaas wuxuu ku muteystay jaalahii ugu horeeyay, mar kale ayaase loo arkay inuu is tuuray taasoo keentay in jaale labaad iyo casaan la isugu daro.

Kabtanka Portugal waxaa suuragal ah inuu maro ganaax dheeraad ah madama uu riixay garsoore Burgos kadib go’aankii casaanka lagu siiyay taasoo keeni karta in ugu yaraan ganaax 4 ilaa 12-kulan garka looo galiyo.